"ਹਿਊਮਨਾਈਜ਼" ਕਰਨ ਦਾ ਮਤਲਬ ਕੀ ਹੈ?
ਭਾਸ਼ਾ-ਮਾਡਲ ਦੀ ਲਿਖੀ ਲਿਖਤ ਵਿੱਚ ਅਕਸਰ ਇੱਕ ਪਛਾਣਨਯੋਗ ਢੰਗ ਹੁੰਦਾ ਹੈ: ਇੱਕੋ ਮਾਪ ਦੇ ਵਾਕ, "ਅੱਜ ਦੇ ਯੁੱਗ ਵਿੱਚ" ਵਰਗੀਆਂ ਸ਼ੁਰੂਆਤਾਂ, ਹਰ ਪੈਰੇ ਵਿੱਚ "ਇਸ ਤੋਂ ਇਲਾਵਾ" ਤੇ "ਇਸ ਲਈ", ਅਤੇ ਭਾਰੇ ਸੰਸਕ੍ਰਿਤ-ਨੁਮਾ ਸ਼ਬਦ ਜਿੱਥੇ ਆਮ ਬੋਲੀ ਦਾ ਸ਼ਬਦ ਚੱਲ ਜਾਂਦਾ। ਹਿਊਮਨਾਈਜ਼ ਕਰਨ ਦਾ ਮਤਲਬ ਇਹਨਾਂ ਆਦਤਾਂ ਨੂੰ ਸੋਧਣਾ ਹੈ ਤਾਂ ਜੋ ਲਿਖਤ ਕਿਸੇ ਖ਼ਾਸ ਪਾਠਕ ਲਈ ਲਿਖੀ ਲੱਗੇ।
ਇਹ ਟੂਲ ਮੁੜ-ਲਿਖਤ ਤੇ ਸ਼ੈਲੀ ਸੁਧਾਰ ਦਾ ਸਾਧਨ ਹੈ। ਇਹ ਕਿਸੇ ਨੂੰ ਏਆਈ ਦੀ ਵਰਤੋਂ ਛੁਪਾਉਣ ਦਾ ਰਾਹ ਨਹੀਂ ਦਿੰਦਾ।
ਕਿਹੜਾ ਢੰਗ ਚੁਣੀਏ?
| ਢੰਗ | ਕਿਸ ਲਈ | ਕੀ ਬਦਲਦਾ ਹੈ |
|---|---|---|
| ਕੁਦਰਤੀ | ਲੇਖ, ਆਮ ਲਿਖਤ | ਸਾਫ਼ ਬੋਲਚਾਲ ਦੇ ਨੇੜੇ ਬੋਲੀ, ਵਾਕਾਂ ਦੀ ਵੰਨ-ਸੁਵੰਨੀ ਲੰਬਾਈ |
| ਨਿੱਜੀ | ਬਲੌਗ, ਨਿੱਜੀ ਬਿਆਨ ਦਾ ਖਰੜਾ, ਨਿਊਜ਼ਲੈਟਰ | ਉੱਤਮ ਪੁਰਖ ਦੀ ਆਵਾਜ਼, ਹਲਕਾ ਬੋਲਚਾਲੀ ਅੰਦਾਜ਼ |
| ਪੇਸ਼ੇਵਰ | ਰਿਪੋਰਟ, ਪ੍ਰਸਤਾਵ, ਦਫ਼ਤਰੀ ਈਮੇਲ | ਸਿੱਧੀ ਤੇ ਸਟੀਕ ਬੋਲੀ; ਫਾਲਤੂ ਸ਼ਬਦ ਹਟਦੇ ਹਨ |
ਇਹ ਟੂਲ ਕੀ ਨਹੀਂ ਕਰਦਾ
- ਇਹ ਤੱਥ, ਹਵਾਲੇ, ਕਿੱਸੇ ਜਾਂ ਰਾਇ ਆਪਣੇ ਵੱਲੋਂ ਨਹੀਂ ਜੋੜਦਾ। ਤੁਹਾਡੇ ਨਿੱਜੀ ਤਜਰਬੇ ਦੀ ਕੋਈ ਮਿਸਾਲ ਤੁਹਾਨੂੰ ਆਪ ਜੋੜਨੀ ਪਵੇਗੀ।
- ਇਹ ਕੋਈ ਵਾਅਦਾ ਨਹੀਂ ਕਰਦਾ ਕਿ ਨਤੀਜਾ ਕਿਸੇ ਏਆਈ ਡਿਟੈਕਟਰ ਵਿੱਚ "ਮਨੁੱਖੀ" ਗਿਣਿਆ ਜਾਵੇਗਾ। ਡਿਟੈਕਟਰ ਅੰਦਾਜ਼ੇ ਦਿੰਦੇ ਹਨ ਤੇ ਆਪਸ ਵਿੱਚ ਵੀ ਅਸਹਿਮਤ ਹੁੰਦੇ ਹਨ। ਸਾਡੇ ਆਪਣੇ ਟੂਲ ਬਾਰੇ ਵੇਖਣ ਲਈ ਏਆਈ ਡਿਟੈਕਟਰ ਪੰਨਾ ਪੜ੍ਹੋ।
- ਇਹ ਪੜ੍ਹਨ ਦੀ ਥਾਂ ਨਹੀਂ ਲੈਂਦਾ। ਹਰ ਵਾਰ ਨਾਂ, ਮਿਤੀਆਂ ਅਤੇ ਅੰਕ ਆਪ ਜਾਂਚੋ।
- ਪੰਜਾਬੀ ਵਿੱਚ ਏਆਈ ਦੀ ਗੁਣਵੱਤਾ ਕਮਜ਼ੋਰ ਹੋ ਸਕਦੀ ਹੈ, ਖ਼ਾਸ ਕਰ ਕੇ ਅੱਧਕ, ਟਿੱਪੀ ਤੇ ਨੁਕਤੇ ਵਿੱਚ। ਨਤੀਜਾ ਸ਼ਬਦ-ਜੋੜ ਜਾਂਚ ਵਿੱਚੋਂ ਲੰਘਾਓ।
"ਪੇਸਟ ਕਰੋ ਤੇ ਛੱਡ ਦਿਓ" ਨਾਲੋਂ ਚੰਗਾ ਤਰੀਕਾ
- ਆਪਣੇ ਪਾਠਕ ਮੁਤਾਬਕ ਢੰਗ ਚੁਣ ਕੇ ਟੂਲ ਚਲਾਓ।
- ਹੱਥੀਂ ਸੋਧੋ: ਇੱਕ ਅਜਿਹੀ ਗੱਲ ਜੋੜੋ ਜੋ ਸਿਰਫ਼ ਤੁਸੀਂ ਜਾਣਦੇ ਹੋ, ਜਿਹੜਾ ਵਾਕ ਕੁਝ ਨਹੀਂ ਕਹਿੰਦਾ ਉਹ ਕੱਟੋ, ਅਤੇ ਉੱਚੀ ਪੜ੍ਹ ਕੇ ਵੇਖੋ।
- ਵਿਆਕਰਨ ਜਾਂਚ ਨਾਲ ਗਲਤੀਆਂ ਸੋਧੋ ਅਤੇ ਉਧਾਰ ਲਏ ਵਿਚਾਰਾਂ ਲਈ ਚੋਰੀ ਜਾਂਚ ਵਰਤੋ।
- ਜਿੱਥੇ ਤੁਹਾਡਾ ਸਕੂਲ, ਯੂਨੀਵਰਸਿਟੀ ਜਾਂ ਨੌਕਰੀ-ਦਾਤਾ ਮੰਗਦਾ ਹੈ, ਉੱਥੇ ਏਆਈ ਦੀ ਮਦਦ ਦਾ ਜ਼ਿਕਰ ਕਰੋ।
ਹੱਦਾਂ
ਇੱਕ ਵਾਰ ਵਿੱਚ 6,000 ਅੱਖਰਾਂ ਤੱਕ ਲਿਖਤ ਚੱਲਦੀ ਹੈ, ਇਸ ਲਈ ਲੰਮੇ ਦਸਤਾਵੇਜ਼ ਨੂੰ ਹਿੱਸਿਆਂ ਵਿੱਚ ਵੰਡੋ। ਵਿਚਾਰਾਂ ਦਾ ਕ੍ਰਮ ਉਹੀ ਰਹਿੰਦਾ ਹੈ, ਇਸ ਲਈ ਕਮਜ਼ੋਰ ਢਾਂਚੇ ਵਾਲਾ ਖਰੜਾ ਬਾਅਦ ਵਿੱਚ ਵੀ ਕਮਜ਼ੋਰ ਢਾਂਚੇ ਵਾਲਾ ਹੀ ਰਹੇਗਾ।